"Астон Вилла" ўз таркибини кучайтириш имкониятларини ўрганмоқда. "TodoFichajes" порталининг хабар беришича, Бирмингем клубининг ёзги трансферлар учун асосий нишони "Барселона" ҳужумчиси Ферран Торрес бўлиб турибди. "Вилла" бош мураббийи Унаи Эмери Торресни жамоа ҳужум чизиғини кучайтира оладиган футболчи сифатида кўрмоқда.
"Астон Вилла" Торресни 2023 йилдан бери кузатиб келмоқда ва аллақачон уни ўз сафига қўшиб олишга уриниб кўрган, аммо бу борада муваффақиятга эриша олмаган. Бирмингемликлар келаси ёзда 25 ёшли Ферран учун тахминан 40 миллион евро таклиф қилишади.
2024/2025 йилги мавсумда Ферран Торрес 29 та ўйинда майдонга тушиб, 11 та гол урди ва шерикларига 3 та голли узатмани амалга оширди.
