"Бавария" вингери Майкл Олисе Англия Премьер-лигасига қайтиши мумкин. 23 ёшли футболчига "Манчестер Сити" даъвогарлик қилмоқда. "Transfer News Live" хабар беришича, фрациялик футболчининг таклиф этилишига шахсан "шаҳарликлар" етакчиси Хосеп Гвардиола қизиқиш билдирмоқда - испаниялик мюнхенликлар юлдузини ёзги трансферлар ойнасидаги устувор мақсадлардан бири деб ҳисобламоқда.
Майкл Олисе "Бавария"га ўтган йилнинг июлида Лондоннинг "Кристал Пэлас" клубидан 53 млн евро эвазига кўчиб ўтган эди. Футболчининг ҳозирги нархи Transfermarkt экспертлари томонидан 65 млн еврога баҳоланмоқда. Вингер Венсан Компани жамоаси сафида 36 та жангда 13 та гол ва 12 та голли узатмани амалга оширди.
