"Bavariya" vingeri Maykl Olise Angliya Premyer-ligasiga qaytishi mumkin. 23 yoshli futbolchiga "Manchester Siti" da’vogarlik qilmoqda. "Transfer News Live" xabar berishicha, frasiyalik futbolchining taklif etilishiga shaxsan "shaharliklar" yetakchisi Xosep Gvardiola qiziqish bildirmoqda - ispaniyalik myunxenliklar yulduzini yozgi transferlar oynasidagi ustuvor maqsadlardan biri deb hisoblamoqda.
Maykl Olise "Bavariya"ga o‘tgan yilning iyulida Londonning "Kristal Pelas" klubidan 53 mln yevro evaziga ko‘chib o‘tgan edi. Futbolchining hozirgi narxi Transfermarkt ekspertlari tomonidan 65 mln yevroga baholanmoqda. Vinger Vensan Kompani jamoasi safida 36 ta jangda 13 ta gol va 12 ta golli uzatmani amalga oshirdi.
