Хабарингиз бор, Ўзбекистон Республикаси Президентининг 2011-2013 йилларда мамлакатда футболни ривожлантириш чора-тадбирлари тўғрисидаги Қарорига асосан, Наманган шаҳридаги «Марказий» стадион реконструкция қилинмоқда.

Таъкидлаш жоизки, Наманган шаҳридаги стадион ўз вақтида Ўзбекистондаги энг кўп томошабин йиғадиган ўйингоҳлардан бўлиб, яқин йилларда ҳам «Навбаҳор» иштирокидаги ўйинларни кузатиш учун 40-50 минг атрофида томошабин йиғилган. Ҳозирги кунда стадионда иш жудаям қизғин кетмоқда. Янги "Навбаҳор" стадион ўз бағрига 22 минг томошабинни сиғдира олади.  Cтадионни капитал таъмирлаш билан боғлиқ барча сарф-харажатлар миқдори тахминан 30 миллиард сўмни ташкил этади ва унда «барчаси жаҳон андозалари талаб даражасида» бўлади. Энди эса "Навбаҳор" стадионидан Сизларга фотолавҳа ҳавола этамиз.     

 

Стадионнинг умумий кўриниши

Стадионнинг асосий биноси ҳам битиш арафасида. Бино ичи деярли тайёр

Стадион ортидаги ўринбосарлар майдони ачинарли аҳволда. Шу мини стадионни ҳам таъмирлашса, мақсадга мувофиқ бўлар эди

Стадионга тўртта янги ёритгич устунлари ўрнатилди (чироқлар кейинроқ ўрнатилади)

Ҳозирги кунда стадион майсаси учун жой тайёрланмоқда. Кўриб турганингиздек ишчилар стадион майдонига қум ташишмоқда. Қум ташиб бўлгандан кейин, уни устига тупроқ ётқизилади. Қувонарли томони стадионда югуриш йўлакчалари олиб ташланган. Энди мухлислар ўйинни яқинроқдан кўришлари мумкин

Стадион таблосини ҳам ўзгартиришади деган умиддамиз