"Лилль"нинг канадалик марказий ҳужумчиси Жонатан Дэвид мавсум якунлангач, клубини ўзгартириши мумкин.
Таниқли журналист Саша Тавольерининг таъкидлашича, ёзда 25 ёшли форвард учун "Барселона" ва "Вест Хэм" клублари кураш олиб боришни режалаштирмоқда. Эслатиб ўтамиз, аввалроқ ОАВда Дэвиднинг ўзи Каталония клубига ўтиш истагида экани ҳақида хабарлар тарқалган эди.
Жорий мавсумда Дэвид барча мусобақаларда 38 та ўйинда майдонга тушиб, 21 та гол урди ва 10 та голли узатмага муаллифлик қилди.













