Хабарингиз бор, Ўзбекистон аёллар терма жамоаси Осиё кубоги саралаш босқичининг кеча бўлиб ўтган дастлабки баҳсида Кувайтни 18:0 ҳисобида мағлубиятга учратди. Кувайтликлар бош мураббийи Комил Фаҳад KUNA ахборот агентлигига берган интервьюсида мағлубият сабабларини халқаро тажрибанинг етишмаслиги билан изоҳлади.

"Ушбу ўйин терма жамоа учун илк халқаро ўйин бўлди. Шунинг учун футболчиларимизга тажриба етишмади. Халқаро даражада тан олинган жамоалар билан ўйин терма жамоага тажриба тўплаш имконини беради. Ўзбекистон терма жамоаси нафақат Осиёда, балки халқаро миқёсда ҳам кучли жамоа ҳисобланади. Ўзбекистон миллий чемпионатида 18та жамоа фаолият олиб боради. Иордания ва Ливанга қарши ўйинларда бор кучимиз билан ҳаракат қиламиз", дейди Комил Фаҳад.

Таъкидлаш лозим, ўйиндан олдин ҳам Кувайт терма жамоаси ёрдамчи мураббийи Ўзбекистон ҳақида деярли шундай фикрни билдирганди.