Ҳуқуқлари "Пари Сен-Жермен"га тегишли бўлган "Ювентус" ҳужумчиси Рандал Коло-Муани келажаги ҳақидаги саволга жавоб берди.
Футболчининг ижараси жорий мавсум охиригача мўлжалланган, бироқ бир неча бор хабар қилинганидек, туринликлар ҳамкорликни давом эттиришдан манфаатдор. Энг эҳтимолий сценарийлардан бири - битимга сотиб олиш мажбуриятини киритган ҳолда ижара муддатини 2026 йилгача узайтириш.
Французнинг ўзи келажакда ўзини "Ювентус"да кўришини тан олади: "Мен бу ерда узоқ йиллар қолишим мумкин. Мен шу руҳда давом этишим керак," - деди 26 ёшли форвард Repubblica нашрига берган интервьюсида.
