Мюнхеннинг "Бавария" клуби ўзининг тажрибали ярим ҳимоячиси билан шартномани узайтиришга рози бўлди.
Нуфузли инсайдер Фабрицио Романонинг хабар беришича, 30 ёшли Жошуа Киммих клуб билан шартномасини 4 йилга узайтиришга келишиб олган. Томонлар 2029 йилнинг июнь ойи охиригача амал қиладиган янги шартнома бўйича келишиб олдилар. Музокаралар яхши ўтди ва яқин кунларда бу ҳақда расмий эълон қилинади.
Қайд этилишича, Киммих ва бошқа Европа клублари ўртасидаги музокаралар ҳеч қачон юқори босқичда бўлмаган, чунки Германия терма жамоаси футболчиси учун асосий устувор вазифа “Бавария” бўлган ва шундай бўлиб қолади.
