Алиссон Чемпионлар лигаси 1/8 финалидан ўрин олган "ПСЖ" - "Ливерпуль" учрашуви қаҳрамонига айланди.
Бразилиялик дарвозабон 9 марта сейв амалга оширди ва жамоасининг ғалаба қозониш имкониятини сақлаб қолди, мерсисайдликлар якунда бундан унумли фойдаланишди.
Жума кунги матбуот анжуманида “Ливерпуль” бош мураббийи Арне Слот яна Алиссоннинг юқори савияси ҳақида гапирди.
"Алиссон нимаси билан ажралиб туради? Менимча, дунёнинг энг яхши дарвозабони бўлиш учун баъзида бошқалар қила олмайдиган сейвлар қилиш керак.
Ўйлайманки, биз чоршанба куни шундай икки ёки учта сейвни кўрдик.
У биз учун муҳим дақиқаларда жаҳон даражасидаги сейвларни амалга оширди", деди Слот матбуот анжуманида.
