"Барселона"нинг собиқ бош мураббийи Хави Каталония клубидаги иш даврига (2021-2024) баҳо берди.
"Мен бошқарувда баъзи хатоларга йўл қўйганимни тан оламан. Бускетснинг кетиши жамоанинг ўйин услубини қайта кўриб чиқишга бизни мажбур қилди.
Мен ярим ҳимояда учта ҳужумкор ўйинчи билан ўйнашни афзал кўрдим, лекин бу ҳар доим ҳам энг яхши вариант эмас эди.
Аммо, агар менинг тажрибамга қарасангиз - ва мен мураббийлар штабимни ҳам қўшсам - бу жуда ижобий. "Барселона" ўз тарихидаги энг ёмон даврлардан бирини бошидан кечираётган эди.
"Барселона"даги тарихим туфайли умидлар жуда катта эди, аммо бу тажриба мен учун ҳақиқий сабоқ бўлди", деди Хави.
