Англия Премьер-лигаси 28-туридан ўрин олган "Ливерпуль" - "Саутгемптон" учрашуви якунига етди. Унда мерсисайдликлар 3:1 ҳисобида ғалаба қозонди.
Ўйиндаги ҳисоб 45+1-дақиқада "Саутгемптон" ярим ҳимоячиси Уильям Смоллбоун томонидан очилди. 51-дақиқада Дарвин Нуньес мувозанатни тиклади. 54-дақиқада Муҳаммад Салоҳ пенальтидан гол уриб, мезбонларни ҳисобда олдинга олиб чиқди. 88-дақиқада Салоҳ дублни расмийлаштирди, у яна 11 метрлик жарима зарбасини голга айлантирди.
"Ливерпуль" Англия Премьер-лигаси турнир жадвалида биринчи ўринда бормоқда. Жамоа 29 учрашувда 70 очко жамғарган. "Саутгемптон" 28 ўйиндан сўнг 9 очко жамғариб, 20-поғонани эгаллаб турибди.
