"Брайтон" форварди Жоан Педро фаолиятини "Ливерпуль"да давом эттириши мумкин.
Empire of the Kop хабарига кўра, мерсисайдликлар ҳужумчини Дарвин Нуньесга ўринбосар сифатида кўрмоқда. Унинг эҳтимолий трансфери 50 миллион еврога баҳоланмоқда. "Ливерпуль" Педро нафақат ҳужум чизиғида, балки қанотларда ҳам ўйнай олиши мумкинлигини учун ҳам сотиб олмоқчи.
Жорий мавсумда 23 ёшли форвард "Брайтон" сафида 24 та ўйинда майдонга тушиб, 8 та гол урди ва 7 та голли узатмани амалга оширди. Унинг клуб билан келишуви 2028 йилнинг июнигача амал қилади ва Педронинг трансфер нархи Transfermarkt портали томонидан 50 миллион еврога баҳоланмоқда.
