Мадриднинг "Атлетико" клуби ҳужумчиси Антуан Гризманн фаолиятини Европанинг бошқа клубида давом эттириши мумкин. Французни "Пари Сен-Жермен" ўз сафига қўшиб олмоқчи, бу ҳақда аввал хабар берилганди. Transfer News Live'нинг Fichajes нашрига таяниб хабар беришича, Лига 1 гранди форвард трансфери учун "матрасчилар"га тахминан 20-25 млн евро таклиф қилишга тайёр.
Антуан Гризманнинг "Атлетико" билан шартномаси 2026 йилнинг ўрталарида якунига етади. Жорий мавсумда 33 ёшли футболчи Диего Симеоне жамоаси сафида барча мусобақаларда 39 та баҳсда 16 та гол ва еттита ассистни ўз ҳисобига ёздириб қўйди. Аввалроқ футболчига MLS вакиллари қизиқиш билдираётгани айтилганди.













