"Манчестер Юнайтед" бош мураббийи Рубен Аморим ярим ҳимоячи Бруну Фернандеш ҳақида гапирди.
"Қизил иблислар" сардори Премьер-лига доирасидаги "Арсенал"га қарши ўйинда жарима зарбасидан гол урди. Иккинчи бўлимда гол ўтказиб юборган Аморим жамоаси ғалаба ҳисобини ушлаб қола олмади. Учрашувда 1:1 ҳисоби қайд этилди.
"Бизга Фернандеш каби футболчилар кўпроқ керак. У ҳар доим ўзини кўрсатади. Гол уриш ёки голли узатма бериш керак бўлса, у доим ўз жойида бўлади. Баъзида Бруну хато қилади, аммо у бошқа футболчилар учун ажойиб ўрнак," - деди "Манчестер Юнайтед" бош мураббийи ўйиндан кейинги интервьюсида.
