"Вильярреал" "Барселона" ҳужумчиси Ферран Торрес хизматларига қизиқиш билдирмоқда. Бу ҳақда El Nacional ёзмоқда.
Қайд этилишича, қизиққан клуб каталониялик футболчи учун 20 миллион евро таклиф қилишга тайёр. "Сариқ сувости кемаси" бош мураббийи Марселино Торал испанияликни "Валенсия"да бирга бўлган вақтларидан билади.
"Барселона" учун Ферран Торреснинг сотилиши молиявий қайта қуриш жараёнида муҳим даромад манбаи бўлади. Бироқ, клуб шошқалоқ қарорлар қабул қилмайди. Форварднинг ўзи ҳали келажаги борасида бир қарорга келгани йўқ.













