Рой Кин "Арсенал"нинг келаси мавсумда АПЛда ғалаба қозониш имкониятлари ҳақида гапирди.
Лондон клуби кетма-кет икки марта АПЛда иккинчи ўринни эгаллади. Жамоа айни дамда “Ливерпул”дан 15 очко ортда қолган ҳолда иккинчи ўринда бормоқда.
"Юнайтед"нинг собиқ ярим ҳимоячиси Рой Кин "Арсенал" келаси йили чемпион бўладими, деган саволга жавоб берди.
"Йўқ. Нега бундай бўларди? Нима деб ўйлайсиз, Артета буни қила оладими?
Сўнгги бир неча йил ичида улар чемпионликка яқин эдилар, аммо келаси йили "Манчестер Сити" кучли бўлади ва "Ливерпуль" ҳам кучайишига аминман.
Ҳужумчи олиб келинса, фойда бўларди, лекин ўйинчиларнинг руҳияти яхши эмас.
Улар ғалаба қозона олмасалар, ташвишлана бошлайдилар. Бир томондан, сўнгги бир неча йил давомида уларга баҳо бериш керак, аммо кейинги қадам энг қийини бўлади", - дейди "Манчестер Юнайтед"нинг собиқ футболчиси Рой Кин.
