Миланнинг "Интер" клуби ўз ҳужумчиси билан янги шартнома шартларини муҳокама қилмоқчи.
La Gazzetta dello Sport хабарига кўра, "нерадзуррилар" раҳбарияти Маркус Тюрам ёзда жамоани тарк этишидан қўрқишмоқда. Улар 27 ёшли франциялик ҳужумчига яхшиланган молиявий шартлар асосида янги узоқ муддатли шартнома таклиф қилиб, уни жамоада сақлаб қолмоқчи.
Қайд этиш керакки, Тюрамнинг “Интер” билан амалдаги шартномаси 2028 йилнинг ёзига қадар тузилган.
Маркус Тюрам жорий мавсумда “Интер” сафида барча турнирлар доирасида 36 та ўйинда майдонга тушиб, 15 та гол урди ва 4 та голга ассистентлик қилди.
