Milanning "Inter" klubi o‘z hujumchisi bilan yangi shartnoma shartlarini muhokama qilmoqchi.
La Gazzetta dello Sport xabariga ko‘ra, "neradzurrilar" rahbariyati Markus Tyuram yozda jamoani tark etishidan qo‘rqishmoqda. Ular 27 yoshli fransiyalik hujumchiga yaxshilangan moliyaviy shartlar asosida yangi uzoq muddatli shartnoma taklif qilib, uni jamoada saqlab qolmoqchi.
Qayd etish kerakki, Tyuramning “Inter” bilan amaldagi shartnomasi 2028 yilning yoziga qadar tuzilgan.
Markus Tyuram joriy mavsumda “Inter” safida barcha turnirlar doirasida 36 ta o‘yinda maydonga tushib, 15 ta gol urdi va 4 ta golga assistentlik qildi.
