«Андижон» ва НБУ-Осиё« жамоалари ўртасидаги учрашувдан кейин тошкентликлар устози Мухтор Қурбонов ўйин борасида фикрларини билдириб ўтди.
 
Ғалаба қозона олмаган бўлсак-да, шогирдларим ёмон ўйин кўрсатишмади. Учрашув охирларида ўйинни сезиларли даражада кучайтира олдик».

«Умуман олганда, ҳар бир баҳсда асосан 70-дақиқадан кейин фаолликни оширяпмиз. Албатта, хатосиз ўйин бўлмайди. Ўйин давомида йўл қўйган иккита хатоимиз эвазига имкониятни бой бердик. Бугун майдон эгаларига омад кулиб боқди. Бошида бизда ҳам имкониятлар бўлди».

«Александр Хвостунов катта тажрибага эга бўлган футболчи. Гарчи 40 ёшга яқинлашиб қолган бўлишига қарамай, у майдонда 90 дақиқа ўйнашга қодир. Хвостунов жамоамизнинг ҳақиқий етакчиси ва унинг ҳаракатларидан қониқиш ҳосил қиляпман», дейди Қурбонов.