УЕФА Чемпионлар лигаси 2024/2025 мавсумининг 1/8 финал босқичидан ўрин олган илк жавоб учрашуви якунланди. Унда Каталониянинг «Барселона» жамоаси Лиссабоннинг «Бенфика» клубига қарши баҳс олиб борди. Ўйин Испаниянинг Барселона шаҳридаги «Олимпик Льюис Компанис» стадионида бўлиб ўтди.

«Барселона» 3:1 ҳисобида ғалаба қозонди. Шу тариқа, икки ўйин натижасига кўра (4:1) каталонияликлар Чемпионлар лигасининг 1/4 финалига йўл олди.  

Учрашувдаги ҳисоб 11-дақиқада «Барселона» ярим ҳимоячиси Рафинья томонидан очилди. Унга Ламин Ямал ассистентлик қилди.

13-дақиқада Николас Отаменди бурчак зарбасидан сўнг ҳисобни тенглаштирди. 27-дақиқада Ламин Ямаль чиройли зарба билан «Барса»ни яна олдинга олиб чиқди. 42-дақиқада эса Рафинья ўз дублини расмийлаштирди.  

Эслатиб ўтамиз, «Бенфика» плей-оффга чиқиш учун саралаш босқичида «Монако» клубини мағлуб этганди. «Барселона» эса гуруҳ босқичини муваффақиятли якунлаб, тўғридан-тўғри 1/8 финалга йўл олган. 1/8 финалнинг биринчи учрашувида «Барса» 1:0 ҳисобида ғалаба қозонган эди.

ЕЧЛ, нимчорак финал, жавоб ўйини
"БАРСЕЛОНА" - "БЕНФИКА" - 3:1
Голлар: Рафинья, 11 (1:0). Отаменди, 13 (1:1). Ямаль, 27 (2:1). Рафинья, 42 (3:1).

Дастлабки ўйин — 1:0