"Бавария" ҳужумчиси Харри Кейн "Байер"га қарши баҳсда жамоасининг ўйинидан қойил қолди.
Чемпионлар лигаси 1/8 финалининг жавоб ўйини мюнхенликларнинг меҳмонда "фармацевтлар" устидан қозонган ғалабаси билан якунланди - 2:0.
"Биринчи дақиқаданоқ ажойиб ўйин кўрсатдик. Биз натижага қараб ўйнамадик, яна ғалаба қозонишни хоҳладик. Кўп вазиятлар яратишга муваффақ бўлдик. "Байер" каби жамоа устидан умумий ҳисобда 5:0 ҳисобида ғалаба қозониш бизнинг кучимиздан даракдир. Ўйинлар олдидан кўп гаплар бўлди, лекин биз ўз ўйинимиз билан жавоб қайтардик", - дейди Кейн.
