"Барселона" таркибни кучайтириш имкониятларини ўрганмоқда. TodoFichajes порталининг Cadena SER'га таяниб хабар беришича, каталонияликлар эътибори "РБ Лейпциг" ҳужумчиси Беньямин Шешкога тушган.
Бомбардирлик ва универсаллик Шешкони "Барселона" учун жозибадор номзодга айлантиради. Шу билан бирга, Каталония клуби бу трансфер учун рақобатга дуч келиши кутилмоқда, чунки 21 ёшли Шешко бошқа клублар, жумладан, "Арсенал"га ҳам қизиқ.
Нуфузли Transfermarkt портали мутахассислари Беньямин Шешкони 50 миллион еврога баҳоламоқда. 2024/2025 йилги мавсумда словениялик футболчи 35 та ўйинда 17 та гол урди.
