"Бенфика" бош мураббийи Бруно Лаже Чемпионлар лигаси 1/8 финали доирасидаги "Барселона"га қарши ўйин (0:1, 1:3) натижаларини сарҳисоб қилди.

“Ҳақиқат шундаки, ҳафсаламиз пир бўлди. Умуман олганда, иккала ўйинда ҳам яхшироқ натижа кўрсатишимиз мумкин эди, аммо ўтказиб юборган голларимиз учун жазоландик. Биз майдонга вазиятлар яратиш ва гол уриш ниятида чиқдик.

Биз буни уддаладик, лекин ҳимоя борасида, айниқса, индивидуал курашларда биз “Барселона”нинг энг яхши футболчиларига муваффақият қозонишларига имкон бердик.

Бундай ажойиб рақибга қарши ўйнаб, қандай қийинчиликларга дуч келишимизни билардик", – деди мураббий.