"Benfika" bosh murabbiyi Bruno Laje Chempionlar ligasi 1/8 finali doirasidagi "Barselona"ga qarshi o‘yin (0:1, 1:3) natijalarini sarhisob qildi.

“Haqiqat shundaki, hafsalamiz pir bo‘ldi. Umuman olganda, ikkala o‘yinda ham yaxshiroq natija ko‘rsatishimiz mumkin edi, ammo o‘tkazib yuborgan gollarimiz uchun jazolandik. Biz maydonga vaziyatlar yaratish va gol urish niyatida chiqdik.

Biz buni uddaladik, lekin himoya borasida, ayniqsa, individual kurashlarda biz “Barselona”ning eng yaxshi futbolchilariga muvaffaqiyat qozonishlariga imkon berdik.

Bunday ajoyib raqibga qarshi o‘ynab, qanday qiyinchiliklarga duch kelishimizni bilardik", – dedi murabbiy.