"Байер" бош мураббийи Хаби Алонсо Чемпионлар лигаси 1/8 финали жавоб учрашувида "Бавария"дан учралган мағлубият (0:2) ҳақида фикр билдирди.
"Биринчи бўлимда биз нимадир содир этишга ҳаракат қилдик. Гол уришга яқин эдик ва кўплаб вазиятлар яратилди. Биз биринчи бўлиб гол уришимиз мумкин эди. Майдондаги баҳс кескин ўтди, лекин йигитлар яхши ҳаракат қилишди.
“Бавария”нинг биринчи голидан кейин эса, ҳақиқатдан ҳам, ишлар қийинлашди.
Чемпионлар лигасида хато қилиш мумкин эмас ва биз уларни жуда кўп қилдик. Биз ажойиб нарса яратишимиз керак эди, лекин бу иш бермади.
Аммо ўйиннинг ўзи яхши эди. Маҳорат етишмади, самарадорлик йўқ эди", - дея Алонсонинг сўзларини келтиради УEФА матбуот хизмати.
