Мадриднинг "Реал" клуби бош мураббийи Карло Анчелотти Чемпионлар лигаси чорак финалига чиққач, ўз фикрлари билан ўртоқлашди.
"Бу оғир ўйин бўлди. Биз ўзимиз бошиданоқ масалани мураккаблаштириб олдик. "Атлетико"нинг голи ўйин йўналишини ўзгартирди - ундан кейин рақиб яхши ҳимояланди, қарши ҳужумларга қочишга ҳаракат қилди. Барча қийинчиликларга қарамай, барибир пенальтилар сериясида ғалаба қозондик ва иштирокимизни давом эттирдик.
Бу бизнинг ижромиздаги энг яхши ўйин эмасди, лекин биз ўз мақсадимизга эришганимиз муҳим эди. Биз чарчаганмиз, аммо бахтлимиз," - деди Анчелотти.
