"Реал Мадрид"нинг чап қанот ҳимоячиси Ферлан Менди жамоадаги 200-учрашувини ўтказди.
29 ёшли футболчи Чемпионлар лигаси 1/8 финалидан ўрин олган “Атлетико”га қарши жавоб ўйинида “Лос-Бланкос” сафида асосий таркибда майдонга тушди.
Бу вингернинг "қироллик клуби" сафидаги 200-учрашувидир. У Карим Бензема (648), Рафаэль Варан (360) ва Зинедин Зидан (227) дан кейин тарихда бу кўрсаткичга эришган тўртинчи француз бўлди.
Ферлан Менди "Реал"га 2019 йилнинг ёзида "Лион"дан келиб қўшилган эди. Трансфер нархи 48 миллион еврони ташкил қилган.













