Мадриднинг "Реал" клуби марказий ҳимоячиси Рауль Асенсио фаолиятидаги илк бор Испания терма жамоасига таклиф этилишга тайёргарлик кўрмоқда.
22 ёшли футболчи "қаймоқранглилар"нинг асосий жамоасидаги дебют мавсумида ўзини кўрсатмоқда. Марказ ҳимоячисининг муваффақиятлари нафақат Карло Анчелотти, балки Луис де ла Фуэнтени ҳам ҳайратга солмоқда: журналист Мигель Анхель Диаснинг ёзишича, "қизил фурия" етакчиси Асенсиони март ойидаги йиғинга чақиради. Бу футболчининг мамлакат бош жамоасидаги дебюти бўлади.
20 ва 23 март кунлари испанияликлар Миллатлар лигаси чорак финалида Нидерландия терма жамоасига қарши майдонга тушади.
