"Шальке" дарвозабони Лорис Кариус клубда қолишга тайёр, деб ёзади Флориан Плеттенберг.
31 ёшли немиснинг шартномаси узайтириш имкониятисиз мавсум охиригача мўлжалланган. Ҳозирча келишувни узайтириш ҳақида гап-сўзлар йўқ, Лориснинг ўзи эса бошқа клублардан сўров олган.
Шунга қарамай, Кариус "Шальке" билан янги шартнома имзолашга тайёр, агар унга муносиб шартнома муддати, маош ва спорт истиқболлари таклиф қилинса.
Лорис 2025 йилнинг январида клубга эркин агент сифатида қўшилган. Бу мавсумда у 3 та ўйинда майдонга тушди ва 1 марта дарвозаси даҳлсизлигини сақлаб қолди.
