Дортмунднинг “Боруссия” клуби ҳужумчиси Серу Гирасси жамоасига Чемпионлар лигасининг чорак финалига чиқишга ёрдам берди.

1/8 финалнинг жавоб ўйинида “асаларилар” “Лилл”ни мағлуб этди – 2:1 (умумий ҳисобда 3:2).

Гирасси голли узатма муаллифи бўлди.

Гвинеялик футболчининг ҳисобида 2024/25 йилги Чемпионлар лигаси мавсумида (10+4) 14 та голли ҳаракат мавжуд.

Opta хабарига кўра, 29 ёшли форвард битта турнирда очко тўплаш бўйича африкаликлар ўртасидаги турнир рекордини такрорлади.

Аввалроқ ягона рекордчи Муҳаммад Салоҳ эди, у 2017/18 йилги мавсумда "Ливерпул"нинг халқаро майдондаги 14 та голига ўз ҳиссасини қўшган.