"Ювентус" бош мураббийи Тьяго Мотта истеъфога чиқарилиб, унинг ўрнига Роберто Манчини тайинланиши мумкин.
Tuttosport хабарига кўра, Мотта "Фиорентина"га қарши ўйинда муваффақиятсизликка учраса, истеъфога чиқарилиши мумкин. Ишдан бўшатилган тақдирда икки вариант кўриб чиқилади: вақтинчалик ёки доимий мураббий тайинлаш.
"Бьянконерилар" ёшлар жамоаси билан ишлайдиган Франческо Маньянелли бош мураббий вазифасини бажарувчи лавозимига асосий номзод сифатида кўрилмоқда. Мутахассис аввалроқ Массимилиано Аллегри бошчилигидаги бош жамоа штабида ишлаган.
Доимий мураббий бўлиш вариантлари орасида Италия терма жамоаси, "Манчестер Сити" ва "Зенит"да ишлаган Роберто Манчини фаворит ҳисобланади. Саудия Арабистони терма жамоасининг собиқ мураббийи билан аллақачон алоқалар ўрнатилган.
Манчини бошқа барча номзодлардан олдинда, улар орасида Жан-Пьеро Гасперини, Хави, Антонио Конте ва Игор Тудор бор.
