"Тоттенхэм" "РБ Лейпциг" форварди Тимо Вернерни сотиб олиш опциясидан фойдаланмайди, дея хабар бермоқда «teamTALK».

Инглиз клуби Вернернинг трансферини 10 миллион еврога сотиб олиши мумкин эди, аммо у бундай қилмасликка қарор қилди. Шу тариқа, Тимо мавсум якунида "РБ Лейпциг"га қайтади. Хабарларга кўра, у немис жамоаси режаларига киритилмаган.

29 ёшли немисга Европа клублари қизиқиш билдирмоқда, аммо унинг МЛС жамоаларидан бирига, хусусан, "Нью-Йорк Ред Буллс"га ўтиши эҳтимоли юқори.

Бу мавсумда Вернер клуб сафида 945 дақиқада 1 та гол урди ва 3 та голли узатмани амалга оширди.