Лондоннинг “Вест Хэм” клуби “Лион” юлдузи билан шартнома имзоламоқчи.
Жорж Микаутадзе кейинги мавсум учун янги ҳужумчи излаётган инглиз клубининг эътиборини тортди. "Болғачилар" унинг Франциядаги муваффақиятини диққат билан кузатиб боришмоқда. "Лион" Грузия терма жамоаси футболчисини шу ёзда камида 35 миллион евролик таклиф тушса сотишга тайёр.
Қайд этилишича, бошқа Премьер-лига клублари ҳам Микаутадзенинг 1-лигадаги ривожланишини кузатишмоқда. Аввалроқ унинг жамоадоши Раян Шерки Англияга кўчиб ўтиши мумкинлиги ҳақида маълумотлар пайдо бўлганди. ОАВ футболчи учун вариантлардан бири сифатида "Вест Хэм"ни кўрсатди.
Жорий мавсумда Жорж Микаутадзе “Лион” сафида 36 та ўйинда майдонга тушиб, 12 та гол урди ва 6 та голли узатмани амалга оширди.
