Londonning “Vest Xem” klubi “Lion” yulduzi bilan shartnoma imzolamoqchi.

Jorj Mikautadze keyingi mavsum uchun yangi hujumchi izlayotgan ingliz klubining e’tiborini tortdi. "Bolg‘achilar" uning Fransiyadagi muvaffaqiyatini diqqat bilan kuzatib borishmoqda. "Lion" Gruziya terma jamoasi futbolchisini shu yozda kamida 35 million yevrolik taklif tushsa sotishga tayyor.

Qayd etilishicha, boshqa Premyer-liga klublari ham Mikautadzening 1-ligadagi rivojlanishini kuzatishmoqda. Avvalroq uning jamoadoshi Rayan Sherki Angliyaga ko‘chib o‘tishi mumkinligi haqida ma’lumotlar paydo bo‘lgandi. OAV futbolchi uchun variantlardan biri sifatida "Vest Xem"ni ko‘rsatdi.

Joriy mavsumda Jorj Mikautadze “Lion” safida 36 ta o‘yinda maydonga tushib, 12 ta gol urdi va 6 ta golli uzatmani amalga oshirdi.