"Арсенал" ҳимоячиси Александр Зинченко келажаги борасида баёнот берди. У Лондон клубида қолмоқчи эканига ишора қилди.

Украиналикнинг сўзларига кўра, у "Арсенал"да бахтли. Унинг клубдаги тақдири бўйича якуний қарор қабул қилинмаган. Аммо Зинченконинг ўзи "Арсенал"га керак бўлса, Лондонда қолишга тайёрлигини айтди.

"Арсенал"дан кетаманми? Ростини айтсам, ҳали билмайман. Агар билганимда, айтган бўлардим. Мавсум охиригача олдинда узоқ йўл турибди. Ростини айтсам, бу ажойиб клубнинг бир қисми бўлганимдан жуда бахтиёрман. "Арсенал"да бўлиш жуда ёқимли. Агар жамоа ва бош мураббийга керак бўлсам, шу ерда бўламан. "Арсенал"га ҳар қандай позицияда ёрдам беришга тайёрман," - деди Зинченко.