"Arsenal" himoyachisi Aleksandr Zinchenko kelajagi borasida bayonot berdi. U London klubida qolmoqchi ekaniga ishora qildi.
Ukrainalikning so‘zlariga ko‘ra, u "Arsenal"da baxtli. Uning klubdagi taqdiri bo‘yicha yakuniy qaror qabul qilinmagan. Ammo Zinchenkoning o‘zi "Arsenal"ga kerak bo‘lsa, Londonda qolishga tayyorligini aytdi.
"Arsenal"dan ketamanmi? Rostini aytsam, hali bilmayman. Agar bilganimda, aytgan bo‘lardim. Mavsum oxirigacha oldinda uzoq yo‘l turibdi. Rostini aytsam, bu ajoyib klubning bir qismi bo‘lganimdan juda baxtiyorman. "Arsenal"da bo‘lish juda yoqimli. Agar jamoa va bosh murabbiyga kerak bo‘lsam, shu yerda bo‘laman. "Arsenal"ga har qanday pozisiyada yordam berishga tayyorman," - dedi Zinchenko.
