Англия терма жамоаси бош мураббийи Томас Тухель журналистлар билан суҳбатлашди. Мутахассисдан германиялик бўлган ҳолда Англия терма жамоасида бош мураббий сифатида ишлаш қандай экани сўралган.
"Ҳаяжонли ва бироз нореал. Бу катта шараф ва мен бундан жуда фахрланаман. Англия терма жамоаси бошқарувида хорижлик бўлиш алоҳида шараф эканини жуда яхши биламан. Мен бу лавозим учун муносиб бўлишга ҳаракат қиламан", — деди Тухель матбуот анжуманида.
Томас Тухель Англия терма жамоасини 21 ва 24 март кунлари ЖЧ-2026 саралаши доирасида бўлиб ўтадиган Албания ва Латвияга қарши ўйинларга тайёрлаяпти.
