"Ювентус" бош мураббийи бўлиш осон иш эмас. Турин клуби бошчилигидаги йўли машаққатли ва кўплаб тўсиқларга бой бўлган Тиаго Мотта буни яхши тушунади.
Барча қийинчиликларга қарамай, клуб раҳбарияти Моттани ҳеч бўлмаганда мавсум охиригача ўз ўрнида сақлаб қолишга мойил, чунки уч йиллик лойиҳа вақт талаб этади.
Тиаго Моттaнинг истеъфога чиқарилиши "Ювентус"га катта маблағга тушади. Унинг шартномаси 2027 йилнинг 30 июнига қадар мўлжалланган бўлиб, унинг маоши йилига 3,5 миллион евро ва бонусларга тенг.
Солиқлар ва шартноманинг мавсум охирида бекор қилиниши мумкинлигини ҳисобга олсак, мураббийнинг товон пули тахминан 15 миллион еврони ташкил қилади. Қолаверса, унинг мураббийлар штабига маош тўлаш керак бўлади, бу эса умумий харажатларни 20 миллион еврогача оширади.
