"Реал" ярим ҳимоячиси Эдуардо Камавинга ёзги трансферлар ойнасида "Манчестер Сити"нинг устувор мақсади бўлиб турибди, дея хабар бермоқда Real Madrid Confidential.
Манбага кўра, "шаҳарликлар" бош мураббийи Хосеп Гвардиола 22 ёшли французни ярим ҳимояда идеал футболчи деб ҳисобламоқда. Қайд этилишича, "Манчестер Сити" Камавинг трансфери бўйича "муҳим" таклиф беришга тайёр. "Реал" хавбекни сотмоқчи эмас, аммо вариантларни эшитишга тайёр.
Камавинганинг мадридликлар билан шартномаси 2029 йилнинг ёзида якунига этади. Transfermarkt портали футболчининг нархини 80 миллион еврога баҳоламоқда. Бу мавсумда унинг ҳисобида 26 ўйинда 1 гол ва 2 ассист бор.
