"Арсенал" бош мураббийи Микель Артета "Челси" ҳақида фикр билдирди. Лондон дербиси якшанба куни бўлиб ўтади.
"Уларнинг мавсумолди ўйинларини кузатганимдан бошлаб, Маресканинг қандай ишлаётгани ва жамоа қандай истеъдодга эга эканини тушуна бошладим. Улар бошиданоқ ғолибликка даъвогар эдилар. Уларда кўп нарса бор. Ҳаммаси бир жойга йиғилганда, улар алоқа, энергия ва барқарорликни топганларида, менимча, улар ҳар қандай жамоа билан рақобатлаша оладилар.
Мареска - ажойиб мураббий. У нима қилишни хоҳлаётганини жуда аниқ билади ва нимани хоҳлаётганини аниқ тушунтиради. Менга унинг жамоаси қандай ўйнаши ёқади," - деди Артета журналистларга.
