ЦСКА сафарда РПЛ 21-туридан ўрин олган баҳсда "Акрон"ни мағлуб этди - 2:1.
Ўйиннинг 36-дақиқасида Кирилл Глебов ҳисобни очди. Учрашувнинг 59-дақиқасида Игор Акинфеевнинг узатмасидан сўнг Сауль Гуарирапа "ҳарбийлар" сафидаги дебют голини урди. 64-дақиқада тольяттиликлар Владимир Хубуловнинг голи эвазига орадаги фарқни битта голга қисқартиришга муваффақ бўлди.
ЦСКА сафида ҳамюртимиз Аббосбек Файзуллаев 77-дақиқада захирадан майдонга тушди. "Акрон" таркибида эса Шерзод Эсанов захира қолдирилди.
ЦСКА 21 ўйиндан сўнг 38 очко билан РПЛ турнир жадвалида олтинчи ўринда бормоқда. "Акрон" 25 очко билан тўққизинчи ўринда бормоқда.













