"Ювентус" спорт директори Кристиано Жунтоли клуб бош мураббий Тиаго Моттани истеъфога чиқармоқчи эмаслигини айтди.
"Биз Тиаго Мотта билан ишлашда давом этамиз, ўз позициямизни сақлаб қоламиз. Биз бу вазиятдан фақат биргаликда чиқишимиз мумкин.
Бу қийин лаҳза, аммо биз биргаликда ҳаракатланишда давом этмоқдамиз, позициямиз ўзгармаяпти," - деди Жунтоли.
А Серия доирасидаги якшанба кунги баҳсда "Ювентус" "Фиорентина"га 0:3 ҳисобида имкониятни бой берди. Ҳозирда жамоа А Серияда 5-ўринни эгаллаб турибди.
