"Интер Майами"нинг юлдуз ҳужумчиси Лионель Месси клуб хўжайини Дэвид Бекхэм билан жамоа таркибини кучайтириш борасида суҳбатлашди. 37 ёшли аргентиналик жамоани яна бир топ футболчи билан кучайтиришни истамоқда.
El Nacional хабарига кўра, аргентиналик ҳужумчи клуб боссларидан "Ювентус" ва "Манчестер Юнайтед" клубларининг собиқ яримҳимоячиси Поль Погбани ўз сафига қўшиб олишни сўраган. Франциялик хавбек яқинда допинг туфайли дисквалификация муддатини ўтаб бўлди ва фаолиятини давом эттиришга тайёр. Ҳозирда Погба эркин агент мақомида.
Эслатиб ўтамиз, 32 ёшли ярим ҳимоячининг сўнгги иш жойи Туриннинг "Ювентус" клуби бўлган эди.
