"Inter Mayami"ning yulduz hujumchisi Lionel Messi klub xo‘jayini Devid Bekxem bilan jamoa tarkibini kuchaytirish borasida suhbatlashdi. 37 yoshli argentinalik jamoani yana bir top futbolchi bilan kuchaytirishni istamoqda.
El Nacional xabariga ko‘ra, argentinalik hujumchi klub bosslaridan "Yuventus" va "Manchester Yunayted" klublarining sobiq yarimhimoyachisi Pol Pogbani o‘z safiga qo‘shib olishni so‘ragan. Fransiyalik xavbek yaqinda doping tufayli diskvalifikasiya muddatini o‘tab bo‘ldi va faoliyatini davom ettirishga tayyor. Hozirda Pogba erkin agent maqomida.
Eslatib o‘tamiz, 32 yoshli yarim himoyachining so‘nggi ish joyi Turinning "Yuventus" klubi bo‘lgan edi.
