Diario Sport хабар беришича, Мексиканинг "Монтеррей" клуби мураббийлик фаолиятидаги бир йиллик танаффуси якун топаётган "Барселона"нинг собиқ устози Хави Эрнандесни таклиф қилишга уринган.

Клуб раҳбарияти қониқарсиз натижалар туфайли Мартин Демичелисни истеъфога чиқариш масаласини кўриб чиқмоқда, Хави эса бош мураббий лавозимига асосий номзодлардан бири бўлган.

Бир неча ой олдин "Барселона"нинг собиқ мураббийси "Эспаньол"нинг собиқ футболчиси Эктор Морено билан Мексикага ташриф буюрган ва маҳаллий мухлисларнинг кучли қўллаб-қувватлашини ҳис қилган эди. Бироқ, сўнгги маълумотларга кўра, Хави "Монтеррей"нинг таклифини рад этиб, қизиқиш учун миннатдорчилик билдирган ва Европанинг нуфузли лойиҳасини излашга эътибор қаратган.