"Барселона" ярим ҳимоячиси Марк Касадо яқин орада майдонга тушмайди.
21 ёшли футболчи Ла Лиганинг сўнгги турида "Атлетико"га қарши ўйинда жароҳат олди. Mundo Deportivo нашри тарқатган хабарга кўра, Касадонинг жароҳати дастлаб тахмин қилинган даражада жиддий эмаслиги маълум бўлди. Тиббий текширув хавбекнинг пайлари тўлиқ узилганини аниқламади, шунинг учун жарроҳлик амалиёти талаб қилинмайди. Тикланиш тахминан икки ой давом этади - шу тариқа футболчи мавсумнинг сўнгги ўйинларида иштирок этиши мумкин бўлади.
Марк Касадо жорий мавсум "кўк-анорранглилар" сафида 36 та ўйин ўтказиб, 1 та гол ва 6 та самарали пас муаллифи бўлди.
