"Барселона" ярим ҳимоячиси Касадо тиззасидан олган жароҳати туфайли 2 ойга яқин майдонга туша олмайди.
"Кўк-анорранглилар"нинг хавбеки "Атлетико"га (4:2) қарши ўйиннинг 67-дақиқасида Антуан Гризманн билан тўқнашиб кетиб, жароҳат олди ва захирага олинди.
21 ёшли футболчи Испания терма жамоасининг Миллатлар Лигаси 1/4 финалида Нидерландияга қарши ўйин қайдномасидан четлатилди. Унинг ўрнига "Байер"дан Алеиш Гарсия чақирилди.
"Асосий таркиб футболчиси Марк Касадо қўшимча тиббий кўрикдан ўтказилди, у ўнг тизза бўғимининг ташқи ён бойлами қисман йиртилганини тасдиқлади.
Футболчи консерватив даволанади, тахминий тикланиш муддати тахминан икки ойни ташкил қилади," - дейилади Каталония клуби баёнотида.
