Николо Шкиранинг эксклюзив маълумотларига кўра, 34 ёшли Алессандро Флоренци келаси мавсумда "Милан"да қолишни истамоқда. Ҳимоячи "россонерилар" билан шартномасини узайтириш учун маошини камайтиришга рози бўлди.
Маҳаллий журналистнинг хабарида, шунингдек, у майдонда бир нечта ролларни бажариш қобилияти учун клубда юқори баҳоланиши айтилган. Флоренци ёш футболчиларни қўллаб-қувватлайдиган ва уларга ёрдам берадиган кийиниш хонасида муҳим етакчи ҳисобланади.
Жорий мавсумда Алессандро Флоренци бирорта ҳам ўйинда майдонга тушмади. Умумий ҳисобда у “Милан” сафида 76 та ўйин ўтказиб, 3 та гол ва 7 та голли узатмага муаллифлик қилган.
