Испания терма жамоаси бош мураббийи Луис де ла Фуэнте "Барселона" марказий ҳимоячиси Пау Кубарси ҳақида гапирди.
18 ёшли футболчи "қизил фурия" сафида 20 ва 23 март кунлари бўлиб ўтадиган Миллатлар лигаси чорак финалидан ўрин олган Нидерландияга қарши ўйинга таклиф олди.
"Кубарси - ўзига хос истеъдодга эга ўйинчи. У ёшига нисбатан каттароқ кўринади, бу ёш учун кўп ўйин ўтказган. Албатта, у такомиллашишда давом этиши керак, аммо ҳозирнинг ўзидаёқ у тўлиқ тайёр," - деди де ла Фуэнте матбуот анжуманида.
