Италиянинг “Рома” етакчиси Пауло Дибала ижтимоий тармоқларда мухлисларга мурожаат қилиб, А Сериянинг 29-турида “Кальяри”га қарши ўйинда (1:0) олган жароҳатини инобатга олиб, жарроҳлик амалиётини ўтказишни маълум қилди.
"Азиз дўстлар, аввало, менга доимо кўрсатаётган меҳрингиз учун сизга чин қалбимдан миннатдорчилик билдираман.
Текширув натижаларидан сўнг, турли мутахассисларнинг фикрларини инобатга олиб, тезроқ футбол майдонига қайтиш учун ушбу операцияни ҳозирдан ўтказишга арзийди, деган қарорга келдим.
Вақтинчалик майдонга тушмасам ҳам, мавсумнинг ўта муҳим ва ҳал қилувчи палласида жамоадошларимни қўллаб-қувватлашда давом этаман. Майдонда кўришгунча!", деди Дибала.
Аввалроқ 31 ёшли аргентиналик ушбу мавсумда бошқа майдонга тушмаслиги ҳақида маълумотлар пайдо бўлганди.
